Намангандаги «Навбаҳор» стадионида ёнғин чиққани айтилди
Ҳолат бўйича ФВБ маълумот берди.
Ижтимоий тармоқларда Намангандаги «Навбаҳор» стадионида ёнғин чиққани ҳақида хабарлар тарқалди. Ҳолат юзасидан вилоят Фавқулодда вазиятлар бошқармаси расмий муносабат билдирди.
Тарқалган хабарларга асосан туман ФВБ ёнғин қутқарув экипажи воқеа жойига бориб ўрганиш ишларини олиб борган. Маълум бўлишича, канал ён атрофидаги қуриган ўтлар ёнган, содир бўлган ёнғин натижасида ён атрофдаги биноларга зарар етмаган.
“Содир бўлган ёнғин юзасидан суриштирув ишлари амалга оширилмоқда”, — дейилади хабарда.
