Тошкент вилоятида итлар сўйиб ташланди
Ҳайвонлар гўштини сотиш мақсадида бу ишга қўл урилгани тахмин қилинмоқда.
Меҳр ва Оқибат кўнгиллилари уйда бўлган тирик итларни қутқаришган. Ҳозирда ҳайвонларга нисбатан шафқатсизликнинг барча ҳолатлари текширилмоқда.
Маълум қилинишича, 4 март куни Меҳр ва оқибат жониворларни ҳимоя қилиш ташкилотига Тошкент вилоятидаги Аҳмад Яссавий колхозида ҳайвонларга нисбатан шафқатсиз муносабатда бўлинганлиги ҳақида ариза келиб тушган. Аризада у ердаги уйлардан бирида итларнинг ўта шафқатсизларча ўлдирилаётгани хабар қилинган.
"Меҳр ва Оқибат" кўнгиллилари ҳуқуқ-тартибот идоралари ходимлари билан биргаликда белгиланган манзилга боришганда уй ҳовлисида ерда қон ва ўнлаб ит терилари бўлган. Бу ишни қилганлар қон ва териларнинг устига тупроқ ташлаб, яширмоқчи бўлишган. Шу билан бирга, уй эгаси бу ерда итлар сўйилмаслигини маълум қилган.
Тахминларга кўра, ҳайвонлар кейинчалик сотиш мақсадида гўшти учун сўйилган. Кўнгиллилар 35 та ит ва 9 та кучукни сақлаб қолишга муваффақ бўлишган. 10 та ит Гавчег бошпанасига, қолганлари эса "Меҳр" марказига ўтказилган.
Ҳозирда ҳодисанинг барча ҳолатлари, жумладан, итлар қандай ва қаерга етказилгани ўрганилмоқда.
