Ватанга қайтиш, моддий ва тиббий ёрдам: 4 401 нафар ўзбекистонлик Россиядан қайтарилди

 

Ўзбекистон Миграция агентлигининг Россия Федерациясидаги ваколатхонаси сентябрь ойида 4 401 нафар ватандошимизнинг Ўзбекистонга қайтишига кўмаклашди.

 

Шунингдек, хорижда меҳнат фаолиятини олиб бораётган фуқароларга ҳуқуқий, моддий, тиббий ва ижтимоий ёрдам кўрсатилди.

 

Агентлик маълумотларига кўра, бир ой давомида:

• 983 нафар фуқарога бир марталик моддий ёрдам кўрсатилди;

• 5 715 та ҳолатда ҳуқуқий маслаҳат ва ёрдам берилди;

• 409 та ҳолатда вақтинча яшаш ва ишлаш жойи харажатлари қопланди;

• 171 та ҳолатда адвокатлик ва бошқа ташкилотлар хизматлари учун тўлов амалга оширилди;

• 19 та ҳолатда тиббий харажатлар қопланди;

• 329 нафар ватандошга ижтимоий ёрдам, жумладан, ишга жойлашишда кўмак берилди.

 

Қайд этилишича, ушбу ёрдамлар хорижда меҳнат қилаётган ўзбекистонликларнинг ҳуқуқ ва манфаатларини ҳимоя қилиш ҳамда қийин вазиятларда уларни қўллаб-қувватлашга қаратилган.