Озарбайжонда парламент депутатига суиқасд уюштирилди
Воқеа юзасидан мамлакат ДХХ ва ИИВ баёнот берди.
Озарбайжон миллий Мажлиси (парламенти) депутати Фазил Мустафога суиқасд уюштирилди.
Республика ички ишлар вазирлигининг маълумотларига кўра, парламент аъзоси номаълум шахслар томонидан ўққа тутилган. Фазил Мустафо оёғи ва елкасидан яраланган ҳамда зудлик билан касалхонага ётқизилган.
Ҳодиса тафсилотларини ўрганиш юзасидан тезкор-тергов гуруҳи ташкил этилди. Ҳозирда тергов ҳаракатлари олиб борилмоқда.
Озарбайжон давлат хавфсизлик хизмати ҳам воқеа юзасидан баёнот берди ва буни теракт деб атади.
"Террорчилик ҳаракати содир этган шахсни ва жиноятга алоқадор бошқа шахсларни аниқлаш ҳамда жиноий жавобгарликка тортишга қаратилган шошилинч тезкор-тергов тадбирлари амалга оширилмоқда", — дейилади Озарбайжон давлат хавфсизлик хизмати баёнотида.
