Наманганда Lacetti ЙТҲга учраб, ағдарилиб кетди
Ҳодисага юқори тезликда ҳаракатланиш сабаб бўлган.
Наманаган вилоятининг Давлатобод туманида иккита енгил автомашина иштирокида йўл-транспорт ҳодисаси содир бўлди. Ҳолат юзасидан вилоят ИИБ ЙҲХБ маълумот берди.
Қайд этилишича, Давлатобод туманининг И. Каримов кўчасидан Тўрақўрғон йўналишига юқори тезликда ҳаракатланиб кетаётган Lacetti ҳайдовчиси ҳаракат хавфсизлигини таъминлай олмай, чорраҳада светофорнинг қизил ишорасида тўхтаб турган Cobalt автомашинасининг орқа қисмига урилган. Тўқнашув сабабли Lacetti ағдарилиб кетган.
Ҳодиса оқибатида ҳар иккала автомашина техник шикастланган, жабрланганлар йўқ.
