Италияда мигрантлар оқими кўплиги сабабли фавқулодда ҳолат эълон қилинди

 

Италия ҳукумати муҳожирлар оқими кўплиги ва жанубий вилоятлар уларни қабул қилишда катта қийинчиликларга дуч келаётгани сабабли фавқулодда ҳолат эълон қилди. Бу ҳақда ANSA хабар берди.

 

Фуқаролик мудофааси ва денгиз сиёсати вазири Нелло Музумечининг таклифи билан қабул қилинган қарор Вазирлар Кенгаши томонидан тасдиқланди ва олти ойга 5 миллион евро ажратилишини назарда тутади.

 

Ички ишлар вазирлигининг расмий маълумотларига кўра, йил бошидан буён денгиз орқали 30 мингдан ортиқ муҳожир келган. Бу кўрсаткич 2022 йил бошидаги кўрсаткичдан 4 баробар кўпроқдир. 7-10 апрель кунлари Ўрта ер денгизида ўтказилган операция давомида Калабрия ва Сицилия қирғоқларида 3 мингга яқин муҳожир қутқариб олинди. Тунисдан келаётган мигрантларнинг аксарияти Африка давлатларидан келганлар. У ердан сиёсий ва иқтисодий беқарорлик туфайли улар ўнлаб чақирим узоқликда жойлашган Италиянинг жанубий қирғоқларига кўчиб ўтмоқда.

 

Италия ҳукуматининг мақсади – ноқонуний миграцияга қарши курашиш.