2 миллион долларни босқинчўилик билан ўзлаштирмоқчи бўлганлар ушланд

Тегишли давлат органлари tomonidan тадбиркорнинг яшаш хонадонидаги 2миллион АҚШ доллари миқдорида пулларни босқинчилик йўли билан қўлга киритишни режалаштирган уюшган жиноий гуруҳ қўлга олинди, дея хабар бермоқда ИИВ Ахборот хизмати.

Жорий йилнинг 12 апрель куни ҳуқуқни муҳофаза қилувчи орган ходимлари tomonidan тезкор тадбир ўтказилди. Тошкент шаҳар Олмазор туманида ўтказилган тезкор тадбирда жиноий гуруҳ аъзоси 1979 йилда туғилган, муқаддам ЖКнинг 8 та моддаси билан судланган шахс қўлга олиниб, унинг ёнидан махсус тайёрлаб қўйилган 2 дона пичоқ, 4 дона скотч ва ИИО ходимларининг дала формалари, резина қўлқоп, опий гиёҳвандлик моддаси, трамадол таблеткаси ва спорт сумкаси далилий ашё сифатида расмийлаштириб олинди.

Шу куннинг ўзида тезкор тадбир давом эттирилиб, гуруҳнинг қолган 4 нафар аъзолари Наманган вилояти ИИБ тезкор қидирув ходимлари tomonidan қўлга олинди. Улардан жиноят содир этишда фойдаланиш учун тайёрлаб қўйилган спорт кийимлари, ниқоб ва қўлқоплар, 3 дона пичоқ, электрошокер қурилмаси, телефон аппаратлари, гиёҳвандлик моддаси ва бошқа жиҳозлар топилди.

Тезкор суриштирув тадбирлари давомида босқинчилик жиноятини содир этиш учун яна 5 нафар шахслар таклиф этилганлиги аниқланиб ушланди.

Қўлга олинганларнинг асосий қисми муқаддам судланган шахслар ёки тадбиркор ва спортчилар бўлиб, уларнинг аксарияти босқинчилик режалаштирилган фуқаро билан таниш бўлган ва ҳатто у билан бирга ишлаб келган.

Мазкур ҳолат юзасидан, Тошкент шаҳар ИИББ ҳузуридаги тергов бошқармаси tomonidan ЖКнинг 164-моддаси, 2-қисми билан жиноят иши қўзғатилиб тергов ҳаракатлари олиб борилмоқда.