Наманганда юк машиналари ЙТҲга учради
Ҳолат бўйича ЙҲХБ маълумот берди.
Ижтимоий тармоқда Наманган вилоятида юк машиналари иштирокида йўл-транспорт ҳодисаси содир бўлгани ҳақидаги хабарлар тарқалди. Ҳолат юзасидан вилояти ЙҲХБ маълумот берди.
Ҳолат бугун соат 15:00 ларда 4Р-112 “Фарғона ҳалқа йўли” автомобиль йўлининг 46-километрида юз берган. HОWO русумли автомашина Чуст–Наманган йўналишида ҳаракатланиб, йўлнинг қарама-қарши йўналишига ўтиб кетган. Шундан сўнг мазкур йўналишида ҳаракатланаётган ISUZU русумли автомашина билан тўқнашган.
Ҳодиса оқибатида ҳар икки транспорт воситаси техник шикастланган. Тан жароҳати олган ҳайдовчиларга биринчи ёрдам кўрсатилиб, шифохонага юборилган.
