Шамол электростанцияси қурилиши учун олиб келинган трубаларни ўмарган шахслар ушланди
Трубаларнинг қиймати 102 миллион бўлган.
Жорий йил 15 май куни кеч соат 22:40 ларда Бухоро вилояти Ғиждувон туманидаги чўл массивида шамол электростансияси қурилишидаги елим трубалар ўғирланди.
Маълум қилинишича, ушбу трубаларнинг 1 метри 1,2 млн сўм бўлган ва улардан жами 800 метр елим турбалар яширин равишда талон-торож қилинган. Натижада “ООО Тенг Хинг” компаниясига 102 млн 176 минг сўм миқдорда моддий зарар етказилган.
Мазкур ҳолат юзасидан Ғиждувон тумани ИИБ томонидан Ўзбекистон Республикаси Жиноят Кодексининг 169-моддаси 3-қисми билан жинояти иши қўзғатилиб, тезкор техник ва суриштирув ҳамда тергов ҳаракатлари олиб борилган.
Суриштирув давомида, ушбу жиноятни Навоий вилояти Конимех туманида яшовчи, 30 ёшли Ж.Н. 70 ёшли таниши билан содир этганлиги аниқланган.
Ҳозирги кунда ушбу жиноий гуруҳнинг бошқа худди шу турдаги фош этилмасдан қолаётган жиноятларга алоқадорлигини аниқлаш юзасидан дастлабки тергов ҳаракатлари олиб борилмоқда.
