Бухорода футбол ўйини ўлим билан якунланди
Воқеага маҳалладошларнинг ўзаро жанжали сабаб бўлган.
Бухоро ИИБнинг хабар беришича, 29 май куни соат 22:30 лар атрофида Когон тумани «Сорғун» маҳалласида яшовчи, 2002 йилда туғилган A.l. исмли шахс туманнинг «Б.Нақшбанд» маҳалласи «Кулолон» қишлоғида жойлашган мини футбол майдончасида ўзаро футбол ўйини вақтида маҳалладоши, 1996 йилда туғилган H.O. исмли таниши билан жанжаллашган. Натижада жанжал вақтида унинг юз соҳаси ва танасининг дуч келган жойига уриб тепиб, суд тиббий экспертизасининг хулосасига кўра оғир тан жароҳати етказган.
Оқибатда жабрланган фуқаро H.O. олган тан жароҳати натижасида воқеа жойида вафот этган.
Ҳозирда мазкур ҳолат юзасидан туман ИИБ томонидан айбланувчига нисбатан Жиноят Кодексининг 104-моддаси 3-қисми «д» банди билан жиноят иши қўзғатилиб, дастлабки тергов ҳаракатлари олиб борилмоқда.
