Севган қизини яланғоч расмларини тарқатмоқчи бўлган «куёв бола» қўлга олинди
Йигит севган қизи бошқа йигит билан унаштирилганлигини сабабли ушбу ишга қўл урган.
Жиззах шаҳрида яшовчи қиз ИИВга мурожаат қилиб, севган йигити, унинг яланғоч ҳолдаги видео ва фото тасвирларини ижтимоий тармоқларда тарқатиб юбормаслик эвазига ундан 800 АҚШ доллари талаб қилаётганлигини маълум қилган.
Аниқланишича, йигит Жиззах шаҳрида яшовчи 19 ёшли шахс эканлиги, у қиз билан севишиб, ишқий муносабатда бўлган вақтларида унга уйланиш истаги борлигини айтиб, ишончига кириш орқали, яширин тарзда уни кийимсиз ҳолатда фото ва видео тасвирга олган.
Шундан сўнг, орадан бир қанча вақт ўтгач, йигит севган қизини бошқа йигит билан унаштирилганлигини эшитганидан кейин ўзида мавжуд бўлган қизнинг уятли видео тасвирлар ва расмларини ижтимоий тармоқларда тарқатиб юбориб, уни никоҳ тўйини бузиш билан қўрқитган ҳамда ундан 800 АҚШ доллари талаб қилган.
Ўтказилган тадбирлар натижасида, йигит келишилган 800 АҚШ долларининг бир қисми сифатида тақдим этилаётган
4 миллион сўм пулларни олган вақтида қўлга олинди. Ҳозирда мазкур ҳолат юзасидан унга нисбатан Жиноят кодексининг 165-моддаси 1-қисми билан жиноят иши қўзғатилган.
Қонунга мувофиқ, ушбу шахс томонидан томонидан содир этилган жиноий ҳаракатлар учун 3 йилдан 5 йилгача озодликдан маҳрум қилиш жазоси назарда тутилган.
