0
Қаршида шахсий маълумотларни тарқатмаслик эвазига 118 млн талаб қилган аёл ушланди
Айбланувчи фуқарони шахсий фото ва видеоларини тарқатиб юбориш билан қўрқитган.
Бош прокуратура ҳузуридаги Департаментнинг Китоб туман бўлими томонидан ИИБ ходимлари билан ҳамкорликда Қарши шаҳрида тезкор тадбир ўтказилди.
Тадбир давомида аёл киши фуқаро А.Ю.га ўзининг қўл телефони хотирасида унга тегишли шахсий фото ва видео тасвирлар борлиги айтиб, ушбу шахсий маълумотларини интернет тармоқларида тарқатиб юбориш билан қўрқитиб, эвазига олдиндан талаб қилган 118 млн сўмни товламачилик йўли билан олган вақтида ашёвий далиллар билан ушланган.
Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилган.
