Коронавирус билан касалланганларни даволовчи шифокорларга устамалар камайтирилди
Президент фармони билан шифокорларга тўланадиган махсус устама тўлови 200 фоиздан 50 фоизга туширилмоқда.
Президент «Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида»ги фармонни имзолади.
Унга кўра, «Ўзмедимпекс» ва «IT-Мед» МЧЖ оммавий савдолар орқали тўлиқ сотилаётган ташкилотлар рўйхатидан чиқарилмоқда.
Шунингдек, коронавирус инфекцияси билан касалланган беморлар жойлашган муассасаларда фаолият олиб бораётган тиббиёт ва бошқа ходимлар ҳамда коронавирус инфекциясини аниқлаш лабораториялари ходимларига ишлаган даври учун махсус устама тўлови 200 фоиздан 50 фоизга туширилмоқда.
