Қирғизистонда турмуш қурганларнинг cалкам 40 фоизига бепуштлик раҳна солмоқда
Маълум бўлишича, суррогат оналик баъзан ота-она бўлишнинг ягона йўли ҳисобланади.
Қирғизистонда турмуш қурган салкам 40 фоиз эркак ва аёл ёки ҳар иккала жуфтликда ҳам бепуштлик муаммоси бор. Бу ҳақда Қирғизистон Репродуктив саломатлик алянси ижрочи директори Галина Чиркинага таяниб, 24.kg ахборот агентлиги хабар берди.
Унинг сўзларига кўра, суррогат оналик баъзан ота-она бўлишнинг ягона йўли ҳисобланади.
“Кўпгина мамлакатларда (жумладан, Қирғизистонда ҳам) суррогатлик рухсат этилган амалиёт бўлиб, қонун нормаларида ушбу жараёндаги барча иштирокчиларнинг ҳуқуқ ва мажбуриятлари аниқ-тиниқ кўрсатилган", — деди Галина Чиркина.
Аввалроқ қирғизистонлик депутат Дастан Бекешев Қирғизистонда суррогатликни тақиқлаш керакми, деган савол билан чиққанди. Унинг сўзларига кўра, бу бир қатор ривожланган мамлакатларда тақиқланган ва иқтисодиёти ривожланаётган кўпгина эса мамлакатларда рухсат этилган. Камбағал давлатларда кўпинча аёлнинг руҳий ҳолати ҳисобга олинмайди, деб ҳисоблайди депутат.
