Ўзбекистонда президент сайлови бошланди
Овоз бериш маҳаллий вақт билан соат 20:00 га қадар давом этади.
Ўзбекистонда президент сайлови бошланди — 9 июль куни соат 8:00 дан мамлакатдаги 10 784 та сайлов участкаси давлат мадҳияси садолари остида очилиб, сайловчилар овоз беришни бошлади.
«Zamon.uz» мухбирининг хабар беришича, бир қатор сайлов участкалари олдида овоз бериш истагидаги фуқароларнинг навбатлари юзага келган. Овоз бериш маҳаллий вақт билан соат 20:00 га қадар давом этади.
Маълумот учун, Марказий сайлов комиссияси маълумотига кўра, 1 июль ҳолатида муддатидан олдин овоз бериш имкониятидан 376 623 киши фойдаланган. Улардан 101 031 нафари хорижда овоз берган.
Муддатидан олдин овоз бериш учун 10 784 та, шу жумладан, Ўзбекистоннинг 39 та чет давлатлардаги дипломатик ва бошқа ваколатхоналари ҳузурида 56 та сайлов участкалари ташкил этилди.
