145 медаль, тарихий натижа: Ўзбекистон паралимпиячилари кучли учликда
Бу делегация тарихидаги энг яхши натижа бўлди.
Японияда 18–24 октябрь кунлари ўтказилган V ёзги Параосиё ўйинларида Ўзбекистон делегацияси ўз тарихидаги энг яхши натижани қайд этди.
Мамлакатимиз спортчилари мусобақада жами 145 та медални қўлга киритди. Уларнинг 45 таси олтин, 49 таси кумуш ва 51 таси бронза медалидир.
Натижада Ўзбекистон умумжамоа ҳисобида Хитой ва Япониядан кейин учинчи ўринни эгаллади. Бу мамлакатимиз делегациясининг аввалги энг яхши натижасига нисбатан икки поғона юқори кўрсаткичдир.
Мусобақа давомида спортчиларимиз жаҳон ва Осиё рекордларини янгилаб, Параосиё ўйинлари рекордларини ҳам ўрнатди. Делегациямиз вакили Бобурбек Тоштемиров ҳам мусобақада олтин медални қўлга киритиб, рекорд натижа қайд этди.
Бу натижа ўзбек параспортининг юксалаётгани, спортчиларимизнинг матонати ва ғалабага бўлган ишончининг ёрқин намунасидир.
