Мақсадли қабул имтиҳонлари: талабгорлар учун рухсатномалар эълон қилинди

Хорижий ва нодавлат олий таълим ташкилотларига мақсадли қабул квоталари учун тест синовларида қатнашиш рухсатномалари эълон қилинди.

 

Ушбу имтиҳонлар хорижий ва нодавлат олий таълим ташкилотлари ҳамда уларнинг филиалларига ажратилган 1452 та, шунингдек, Қорақалпоғистон ёшлари учун ажратилган 200 та мақсадли квота доирасида ўтказилади.

 

Тест синовлари 2026 йил 28 октябрь, чоршанба куни бўлиб ўтади. Талабгорлар имтиҳонда қатнашиш учун рухсатномани my.uzbmb.uz сайтидаги шахсий кабинети орқали юклаб олиши мумкин.

 

Рухсатномада тест синовлари ўтказиладиган сана, манзил ва вақт кўрсатилган. Талабгорлардан имтиҳон жойига белгиланган вақтдан кечикмай келиш сўралган.

 

Тест ўтказиладиган бинога паспорт ёки ID-карта орқали киришга рухсат берилади. Талабгорлардан имтиҳонга электрон қурилмалар, сумка, китоб, дафтар, ёзув қуроллари, ичимлик, озиқ-овқат ва бошқа ортиқча буюмларни олиб келмаслик талаб этилади.