Чотқол қўриқхонасида йирик ёнғиннинг олди олинди
Тошкент вилоятида жойлашган қўриқхонада юзага келган ёнғинни ўчириш учун куч ва воситалар, хусусан, вертолётлар жалб қилинган.
Фавқулодда вазиятлар вазирлигининг хабар беришича, Тошкент вилоятида жойлашган Чотқол давлат биосфера қўриқхонаси ҳудудида содир бўлиши мумкин бўлган йирик ёнғиннинг олди олинди
Таъкидланишича, 8 июль куни кечаси Чотқол давлат биосфера қўриқхонасининг Майдонтол бўлими ҳудудида кичик ёнғин содир бўлган.
ФВВнинг ўрмон ёнғинларини бартараф этиш махсус отряди зудлик билан воқеа жойига етиб бориши натижасида ёнғин ўчириган.
Бунинг натижасида ўрмоннинг катта ҳудудига тарқалиши мумкин бўлган ёнғиннинг олди олинди. Жараёнга Мудофаа вазирлиги, шунингдек, Экология, атроф-муҳитни муҳофаза қилиш ва иқлим ўзгариши вазирликларининг куч ва воситалари ҳам жалб этилган. Бундан ташқари, ёнғинни бартараф этиш жараёни Фавқулодда вазиятлар вазири томонидан назоратга олинган.
