Европага Саҳрои Кабирдан иссиқлик тўлқини кириб келмоқда
Ҳарорат 50 даражагача кўтарилиши кутилмоқда
Европага Саҳрои Кабирдан «Сербер» номли антициклон кириб келмоқда. Бу рекорд даражадаги иссиқлик олиб келади.
Ўрта ер денгизидаги ҳаво ҳарорати рекордларни янгиламоқда. Хусусан ҳозирда кўпгина ҳудудларда аллақачон 40 даража иссиқ кузатилмоқда. Об-ҳаво прогнозларига кўра, - Италиянинг Сардиния ва Сицилия ороллари, Греция, Испания ва Францияда ҳаво ҳарорати 50 даражагача кўтарилади.
Энг қийин вазият ҳозир Италияда. Одамлар кўчада ҳушидан кетиш ҳолатлари аллақачон мавжуд. Кўплаб маҳаллий аҳоли ва сайёҳлар фавворалар олдида тўпланишмоқда.
