Япония аҳолиси 2022 йилда рекорд даражада 800 минг кишига қисқарди
Мамлакатнинг барча 47 префектурасида биринчи марта аҳоли сони камайди
Япония аҳолиси 2022 йили қарийб 800 мингга камайиб, 122,42 миллион кишига етди. Бундай маълумотларни бугун, 26 июль куни Япония Ички ишлар ва коммуникациялар вазирлиги тақдим этди.
Мамлакат аҳолиси кетма-кет 14 йилдирки, сўнгги йилларда эса тезроқ камайиб бормоқда. Статистикага кўра, 2022 йилда Японияда 1,56 миллион ўлим ҳолати қайд этилган — бу статистика тарихидаги рекорддир. Мамлакатда бир вақтнинг ўзида туғилганлар сони биринчи марта 800 мингдан паст бўлган — 771 минг.
Япониянинг барча 47 префектурасида биринчи марта аҳоли сони камайди. Яна бир рекорд – мамлакатда доимий яшаётган чет эл фуқаролари сонининг 10,7 фоизга ошгани. Уларнинг сони қарийб 3 миллион кишига етди. Чет элликлар сони ҳисобга олинганда ҳам, Япония аҳолиси 511 минг кишига камайиб, 125,42 миллион кишини ташкил этмоқда.
