Бухорода 70 нафар шахснинг пластик карталаридан пул ўғирлаган 2000 йилда туғилган фуқаро ушланди
Айбланувчи 300 млн сўмга яқин пул маблағларини қўлга киритган.
Бухоро ИИБнинг хабар беришича, 2023 йилнинг 12 январь кунидан 26 март кунига қадар бўлган вақт оралиғида номаълум шахс ўзганинг мулкини қўлга киритиш мақсадида Бухоро шаҳрида яшовчи, 1979 йилда туғилган фуқарога тегишли «Халқ банки» Бухоро минтақавий филиали томонидан очилган пластик карточкаси ва яна 69 нафар шахсларнинг пластик карталаридан жами 295 млн сўм пулларни алдов йўли билан қўлга киритган.
Мазкур ҳолат юзасидан Бухоро шаҳар ИИО ФМБ томонидан ушбу шахсга нисбатн Жиноят кодексининг 168-моддаси 3-қисми билан қўзғатилган жиноят иши бўйича олиб борилган тезкор техник, суриштирув ҳамда тергов ҳаракатлари давомида ушбу жиноятни Бухоро шаҳрида яшовчи, 2000 йилда tug‘ilgan X.O. исмли шахс содир қилганлиги аниқланган.
Ҳозирги кунда ушбу шахснинг Бухоро ҳамда республиканинг бошқа ҳудудларида содир этилиб, фош этилмасдан қолаётган худди шу турдаги жиноятларга алоқадорлигини аниқлаш юзасидан тезкор техник, суриштирув ва тергов ҳаракатлари давом эттирилмоқда.
