Наманганда солиқ инспекцияси бошлиғи пора билан ушланди
У МЧЖ юристи орқали тадбиркордан пул талаб қилган.
Наманган шаҳар солиқ инспекцияси бошлиғи ўринбосари ва МЧЖ юристи ушланди. Бу ҳақда “ЎзА” ахборот агентлиги хабар берди.
Бош прокуратура ҳузуридаги Департамент ҳамда ДХХнинг Наманган вилояти бошқармалари томонидан тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда Наманган шаҳар солиқ инспекцияси бошлиғи ўринбосари Ж.М. “О.Ф.” МЧЖ умумий овқатланиш шохобчасининг ёпиб қўйилган ҳисоб-рақамини очиб берганлиги эвазига “С.” МЧЖ юристи Ю.О. (собиқ ДСИ ходими) орқали тадбиркор м.А.дан 2 000 АҚШ доллари пора талаб қилиб, ушбу пулларни Ю.О. олган вақтида ашёвий далиллар билан ушланган.
