Дунё бўйлаб озиқ-овқат нархлари кўтарилди
Мутахассислар нархлар ўсишини ғалла битимининг тугатилиши ва гуруч савдосига янги чекловлар киритилиши билан изоҳлаган. Оқибатда гуруч нархлари 2011 йилдан бери энг юқори даражага етган.
БМТ озиқ-овқат ва қишлоқ хўжалиги ташкилоти (ФАО) маълумотларига кўра, озиқ-овқат маҳсулотларининг жаҳон нархлари июль ойида аввалги икки ойда пасайганидан кейин бироз кўтарилган. Маълумотларга кўра, озиқ-овқат нархлари индекси 123,9 пунктгача кўтарилган (июнь ойига нисбатан 1,3 фоизга ўсди), лекин айни пайтда 2022 йил июлига нисбатан 11,8 фоизга камайди. ФАО мутахассислари июнь ойигача бўлган ўсишни ғалла битимининг тугатилиши ва гуруч савдосига янги чекловлар киритилиши билан изоҳлаган.
Хусусан, июль ойида ўсимлик мойлари нархлари индексининг кескин ўсиши кузатилди — 129,8 пунктгача (июнга нисбатан 12,1 фоизга кўп) ва бу етти ойлик пасайишдан кейинги биринчи ўсишдир. Ой давомида кунгабоқар ёғи нархи 15 фоиздан кўпроққа қимматлашди, асосий сабаб дон шартномасининг тугатилиши муносабати билан экспорт етказиб беришдаги тушунмовчиликлар. Шунингдек, пальма, соя ва колза ёғларининг нархи ҳам етакчи ишлаб чиқарувчи мамлакатларда унчалик яхши бўлмаган ҳосилнинг истиқболлари фонида кўтарилди.
Бундан ташқари, июль ойида маккажўхори нархи пасайишда давом этди, жўхори нархи пасайди, буғдой бозоридаги вазият таъсирида арпа нархи барқарор бўлиб қолди — сўнгги тўққиз ой ичида биринчи марта уннинг нархи (1,6 фоизга) кўтарилди.
Мутахассислар айрим озқи-овқат маҳсулотлари нархларининг ошишини Россиянинг дон битимидан чиқиши ва Украина порт инфратузилмасига етказилган зарар, шунингдек, Шимолий Америкадаги қурғоқчилик муносабати билан Украинадан экспорт қилиш билан боғлиқ қийинчиликлар билан боғлашган.
Қайд этилишича, гуруч нархлари индекси июнь ойидан бери 2,8 фоизга ошиб, 2011 йил сентябридан бери энг юқори даражага етган.
Шунингдек, сут, гўшт ва шакар нархларида бироз пасайиш кузатилган.
