Италияда сайёҳлар чигирткалар сабаб саёҳатларини бекор қилмоқда
Ҳашаротлар дам олиш масканларини эгаллаб олган.
Италия жанубида дам олувчилар кутилмаган муаммога дуч келишди. Маҳаллий пляжлар чигирткаларга тўлган. Кўплаб сайёҳлар Эмилиа-Ромагнадаги таътилларини қисқартиришга ва яшил ҳашаротлардан қочишга қарор қилишди.
Саёҳатчиларнинг таъкидлашича, чигирткалар одамларга қадам босишга йўл қўймаяпти. Улар қуёш креслолари ва соябонларида, яқин атрофдаги уйларнинг деворлари ва балконлари, хуллас ҳамма жойда бор. Бундан ташқари, чигирткалар ўзларининг чийиллашлари билан одамларнинг тунда ухлашига халақит қилади.
Энтомологларнинг таъкидлашича, жануби-ғарбий «Гарбино» шамоли ҳашаротларнинг қишлоқдан қирғоққа оммавий кўчишига олиб келди. Олимларнинг фикрига кўра, чигирткаларнинг ҳужуми тез орада тугайди, бироқ улар туфайли кўплаб саёҳатчилар ўз таътилларини муддатидан олдин тўхтатдилар.
