Италия яна бир муаммога дуч келди
Балиқчилар ноодатий жониворлардан азият чекмоқда
Италиянинг Эмилия-Романья, Венето ва Тоскана ҳудудлари балиқчилари бу йил рекорд даражада зарар кўриши мумкин. Бунга мовий қисқичбақаларнинг ҳаддан ташқари кўпайгани сабаб бўлди. Улар балиқ увилдириқлари ва моллюскларни қириб ташламоқда.
Яқин-яқингача бу жониворлар Американинг Атлантика соҳилларидан учрар, Ўртаер денгизида эса камдан-кам кўзга ташланар эди.
Аммо шўрлик ва ҳарорат ошиши ортидан қисқичбақалар Ўртаер денгизига кўча бошлади.
Маҳаллий ташкилотлар уларни йўқ қилиш учун кунига ўртача 100 минг евро сарфламоқда. Шу туфайли ҳукумат балиқчиларнинг зарарини қоплаш учун 2,9 млн евро компенсация ажратишини эълон қилди.
