Ўзбекистонда илк бор икки томонлама сон алмаштириш операцияси ўтказилади
Жарроҳлик амалиёти ҳиндистонлик шифокорлар томонидан амалга оширилади.
Ҳиндистонлик шифокорлар Ўзбекистонда илк бор ноёб жарроҳлик операциясини ўтказади.
Шу кунларда "Aakash Healthcare" ихтисослаштирилган шифохонаси жарроҳлар гуруҳи мазкур компаниянинг Тошкент шаҳридаги кўп тармоқли филиалида инновацион жарроҳлик кунларида қатнашмоқда.
Шифохона бошқарувчи директори доктор Аашиш Чаудҳри бошчилигидаги тўққиз нафар юқори малакали жарроҳ 17-19 август кунлари кенг кўламли операцияларни ўтказмоқда.
Ушбу жараёнда 30 дан ортиқ операция ўтказиш режалаштирилган ва уларнинг 28 таси ортопедия йўналишига тааллуқли бўлади.
“Ўзбекистонда биринчи марта икки томонлама сонни алмаштириш операцияси ўтказилади ва мазкур амалиёт замонавий илғор тиббиёт намунасига айланади”, дейилади хабарда.
“Ушбу мураккаб операцияларга тайёргарлик 7-8 ой давом этди. Мазкур тиббий амалиётлар Ўзбекистон соғлиқни сақлаш тарихида янги босқични бошлаб бермоқда", – дея қўшимча қилди доктор Аашиш Чаудҳри.
