“Байден 2-президентлик муддати учун қарилик қилади”
Америкаликлар мамлакат раҳбари ҳақида фикр билдиришди.
Америкаликларнинг фикрича, Жо Байденнинг ёши иккинчи президентлик муддати давомида мамлакатни самарали бошқаришга тўсиқ бўлиши мумкин. Жамоатчилик билан алоқалар тадқиқот маркази томонидан ўтказилган сўров натижалари шундан далолат бермоқда.
Респондентларнинг 77 фоизи Байденнинг қариганини, мамлакатни яна тўрт йил бошқара олмаслигини айтган. Бунга республикачилар тарафдорларининг 89 фоизи ва демократларнинг 69 фоизи ҳамфикрдир.
Социологлар, шунингдек, респондентларнинг Байден билан боғиқ сўзларини таҳлил қилишди. Сўров иштирокчиларининг 26 фоизи президентнинг ёшини тилга олди, яна 15 фоизи «чалкаш» ва «секин» сўзларини ишлатди.
Тадқиқот шуни кўрсатдики, америкаликлар ёш авлод ҳокимиятда бўлиши тарафдори. Респондентларнинг 68 фоизи АҚШ Конгресси сенаторлари ва Вакиллар палатаси аъзоларига, 66 фоизи президентликка номзодлар учун ёш чегараси жорий этилишини қўллаб-қувватлаган.
