Эрдоған ва Путиннинг учрашув жойи маълум бўлди
Томонлар дон келишувининг янги формуласини муҳокама қилишади.
Туркия президенти Ражаб Тоййиб Эрдоған ва Россия етакчиси Владимир Путин ўртасидаги музокаралар 4 сентябрь куни Сочида бўлиб ўтади. Улар дон келишувининг янги формуласини муҳокама қилиш ниятида.
Туркия Ташқи ишлар вазири Ҳакан Фидан айнан шу формулани ишлаб чиқишга ҳаракат қилади. У ўтган ҳафта Украинага ташриф буюрган ва тез орада Москвада музокаралар ўтказади.
Бундан ташқари, Туркия ҳукумати БМТ билан вариантларни муҳокама қилади ҳамда Эрдоған ва Путин томонидан муҳокама қилиниши мумкин бўлган янги формулани ишлаб чиқади.
Аввалроқ Кремль спикери Дмитрий Песков Путин ва Эрдоған ўртасидаги учрашув тез орада бўлиб ўтишини айтиб, бироқ бу қачон юз бериши мумкинлигига аниқлик киритмаганди.
