Хитойга “Саола” тўфони ёпирилди
Ҳозирда самолёт ва поездлар ҳаракати тўхтатилган.
Хитойга «Саола» тўфони ёпирилгани туфайли парвозлар тўхтатилди. Биргина Гонконгда бугуннинг ўзида 460 та рейс бекор қилинди.
Ҳозирда 800 мингга яқин аҳоли кўчирилди, 13 та шаҳарда ўқув даври бошланиши қолдирилган. Жамоат транспортида узилишлар мавжуд. 4000 дан ортиқ поездлар ҳаракати тўхтатилган.
Метеорологлар кучли сув тошқини эҳтимолини истисно қилмаяпти. «Саола» эпицентрида шамол тезлиги соатига 200 километрга етади. Бу тўфон 1949 йилдан бери Гуангдонгда содир бўлган энг кучли бешта тўфондан бири бўлиши мумкин. Бир қанча аҳоли пунктларида бўрон ҳақида огоҳлантириш эълон қилинди.
