Андижонда иккита автомашина ЙТҲга учради
Ҳодиса оқибатида ҳайдовчи жароҳатланган.
Бугун, 4 сентябрь куни Андижон шаҳрида иккита автомашина иштирокида йўл-транспорт ҳодисаси содир бўлди. Ҳолат юзасидан вилоят ИИБ ЙҲХБ маълумот берди.
Қайд этилишича, ҳолат соат 15:00 лар атрофида Боғишамол даҳасидан ўтувчи халқаро аҳамиятга эга А-373 автомобиль йўлида юз берган. 2002 йилда туғилган ҳайдовчи Ш.А. Matiz русумли транспорт воситасини бошқариб кетаётган вақтида светафорнинг “қизил” ишорасига бўйсунмасдан ўтиши оқибатида ўз йўналишида келиб, орқага қайрилиб олмоқчи бўлган Spark русумли транспорт воситаси билан тўқнашган.
ЙТҲ оқибатида Matiz автомашина ҳайдовчиси тан жароҳати олиб шаҳар шифохонасига ётқизилган. Ҳозирда Андижон тумани ИИБ ЙҲХГ масъул ходимлари томонидан суриштирув ишлари олиб борилмоқда.
