Италияда машҳур мафия гуруҳига қарши операция уюштирилди
Тўданинг 50 дан ортиқ аъзолари қўлга олингани айтилмоқда.
Италия ҳуқуқ-тартибот идоралари «Ndrangheta» мафия гуруҳига қарши кенг кўламли махсус операция давомида 50 дан ортиқ кишини қўлга олди.
400 дан ортиқ одам иштирок этган «Карпантос» деб номланган операцияга Италиянинг мафияга қарши энг машҳур терговчиларидан бири, прокурор Никола Граттери бошчилик қилган.
Операция натижасида 38 нафар шахс ҳибсга олинди яна олти нафари уй қамоғига олинди, саккиз кишига эса ўз туғилган шаҳарларини тарк этмаслик тўғрисида буйруқ берилди.
Улар «Ndrangheta» билан боғлиқ турли жиноий ҳаракатлар, жумладан, гиёҳванд моддалар савдоси, пул ювиш ва товламачиликда гумон қилинмоқда.
Маълумки, сўнгги йилларда «Ndrangheta» Италиядаги кучли мафия ташкилоти сифатида Ситсилия Коса Нострани сиқиб чиқарди ва бутун Европа ва дунёнинг бошқа мамлакатларига тарқалди.
