Украиналиклар НАТО ва Евроиттифоқга киришдан умидвор
Улар 10 йил ичида ўз мамлакатлари иккита Ғарбий блокнинг бир қисми бўлишига ишончи комил.
Баъзи мураккаб муаммолар ва секин тараққиётга қарамай, украиналиклар кейинги ўн йил ичида НАТО ва Европа Иттифоқига қўшилишни кутмоқда.
Эълон қилинган сўровномага кўра, украиналикларнинг 69 фоизи ўз мамлакатлари 10 йил ичида НАТОга аъзо бўлиш имкониятига эга бўлишига ишонади.
Шунингдек, украиналиклар Европа Иттифоқига қўшилишга ҳам худди шундай оптимизм билан қарашади, ҳар тўрт кишидан уч нафари ўз мамлакати бу ташкилотларнинг бир қисми бўлишига амин.10 кишидан биттаси бу ҳеч қачон содир бўлмайди, деб ҳисоблайди.
Сўров июль-сентябрь ойларида, НАТО Украинани АҚШ бошчилигидаги ҳарбий алянсга қабул қилиш имкониятини эълон қилгандан сўнг ўтказилган.
Маълумотларга кўра, украиналикларнинг 64 фоизи урушнинг дастлабки ойларидаёқ бундай баёнотни кутишган.
Гарчи алянснинг амалдаги қатор аъзолари унинг таклифини қўллаб-қувватласа ҳам, мутахассислар Украина яқин орада НАТОга қўшилмаслигини айтишган.
2023-йилда ўз мамлакатлари яқин 10 йил ичида Европа Иттифоқига қўшилишига ишонадиган украиналиклар сони ўтган йилга нисбатан ўзгармаган ва 73 фоизни ташкил этган.
Тадқиқот Украинада Ғарб давлатларига муносабат қандай ўзгариб бораётганини ҳам кўрсатди.
Урушнинг дастлабки ойларида Америка раҳбариятини маъқуллаш рекорд даража – 66 фоизга етди ва бу ҳар қандай даврдагидан юқори.
Гарчи респондентларнинг 53 фоизи ҳамон мамлакат ҳақида ижобий фикрда бўлса ҳам, АҚШ республикачиларнинг Украинага ёрдам беришдаги қаттиққўл сиёсати кучайиб бораётгани ҳамда АҚШнинг Киевни НАТОга қабул қилишда иккиланиши фонида Вашингтонга муносабат ёмонлашди.
Бу икки омил Украинада АҚШ имижига путур етказиши мумкин бўлган ноаниқликни келтириб чиқариши мумкин.
Шу билан бирга, Германия раҳбарларига нисбатан ижобий кескин фикрлар кўпайди. Хитой раҳбариятини маъқуллаш 8 фоизга тушиб кетди.
Ҳарбий операция бошланганидан тўрт кун ўтиб, 2022 йилнинг 24 февралида Украина Европа Иттифоқига қўшилиш учун ариза берди.
Ўтган йилнинг сентябрида Россия Украинанинг тўртта вилоятини аннекция қилганидан сўнг НАТОга аъзо бўлиш истагини эълон қилган эди.
НАТОнинг амалдаги аъзолари Польша, Руминия, Словакия, Чехия, Эстония, Латвия, Литва, Черногория ва Шимолий Македония унинг таклифини қўллаб-қувватлади, бироқ НАТО Бош котиби Йенс Столтенберг июлдаги саммит олдидан Киев аввало Россия билан урушда ғалаба қозониши кераклигини айтди.
Хусусан, Украинанинг келажакда НАТОга қўшилиши бўйича музокаралар декабр ойидаёқ бошланиши мумкин. Бироқ мутахассисларнинг фикрича, чуқур тузилмавий муаммолар, жумладан, коррупсиядан азият чекаётган мамлакатнинг тез орада блокка қўшилиши даргумон.
Бу қандай ва қачон содир бўлиши ҳақидаги савол ҳалигача ноаниқ бўлса ҳам, НАТО ва Европа Иттифоқининг Украинага юборган хабари аниқ: иккаласи ҳам Украинанинг келажаги улар билан деб ҳисоблашади.
