Япония хато қилмаганини исботлашга уринмоқда
Халқаро олимлар япон денгиз маҳсулотларини текширишга киришди.
Халқаро олимлар гуруҳи тадқиқот учун Япониянинг "Фукусима-1" атом электр станцияси яқинида овланган денгиз балиқларини олиб кетишди.
“Япония ҳукумати биздан буни талаб қилди. Бунинг сабабларидан бири улар тақдим этаётган маълумотларга ишончни оширишга ҳаракат қилишдир”, деди тадқиқотни бошқараётган МАГАТE олими.
Йиғилган намуналар радиоактивликни мустақил текшириш учун Хитой, Жанубий Корея ва Канададаги лабораторияларга юборилади. Бу жорий йилнинг август ойида атом электр станциясидан сув оқизиш бошланганидан бери денгиз балиқлари устида олиб борилган биринчи тадқиқотдир.
Фукусима сув дренажи Япониянинг туризм ва балиқчилик соҳасига зарар етказмоқда. Бир неча мамлакатлар япон денгиз маҳсулотларига тақиқ қўйган.
Жорий йилнинг 24 август куни 2011 йилда авария содир бўлган "Фукусима-1" АЭСда реакторларни совитиш учун ишлатиладиган радиоактив моддалардан тозаланган сув океанга чиқарила бошланди. Бўшатиш режаси 30 йил давом этади.
