Ғазо секторига ёқилғи cув ва ҳаводек зарур
БМТ Ғазода 3 кунлик ёқилғи қолганини маълум қилди.
БМТ Ғазода 3 кунлик ёқилғи қолганини маълум қилди. Ҳудудда ёқилғи инқирози сабаб мурдалар ва касаллар араваларда тошилмоқда.
Бирлашган Миллатлар Ташкилоти (БМТ) Ғазо секторида 3 кунлик ёқилғи қолганини маълум қилди. Ёқилғисиз шифохона ва новвойхоналар, ижтимоий хизматлар ҳам ишлай олмайди.
Бирлашган Миллатлар Ташкилотининг Фаластинлик Қочқинларга ёрдам агентлиги (UNRWA) томонидан берилган баёнотда, Ғазонинг зудлик билан ёқилғи билан таъминланиши кераклиги таъкидланди.
“Уч кундан кейин UNRWA ёқилғиси тугайди ва бу ташкилотнинг Ғазо секторидаги гуманитар ишларига жиддий таъсир кўрсатади. Ёқилғисиз сув бўлмайди, касалхоналар ва новвойхоналар ишламайди. Ёқилғисиз ёрдам жуда муҳтожларга етиб бормайди. Ёқилғисиз инсонпарварлик ёрдами бўлмайди”, — дейилади хабарда.
UNRWA Ғазо секторидаги энг йирик гуманитар ташкилот ҳисобланади.
“Ёқилғи етишмаслиги аёллар, болалар ва Ғазонинг қолган аҳолисини янада бўғиб қўяди. Ёқилғисиз, эҳтиёжи соат сайин ортиб бораётган ғазоликларни тақдир измига қолдирамиз. Бундай бўлиши мумкин эмас ва бўлмаслиги ҳам керак”, — дейилади UNRWA баёнотида.
