Сукерберг ва Маскнинг жанги кейинга қолдирилди
Сукерберг тайёргарлик вақтида оғир жароҳат олди.
Facebook ижтимоий тармоғи ва Meta компанияси асосчиси Марк Сукерберг аралаш яккакурашлар бўйича жангга тайёргарлик кўраётганда оғир жароҳат олди. Бу ҳақда у Instagramʼда маълум қилди.
Сукерберг спарринг вақтида тиззаси йиртилганини таъкидлади ва операциядан кейин шифохонада олинган суратни жойлади.
"Менга ғамхўрлик қилаётган шифокорлар ва жамоага миннатдорчилик билдираман. Мен келаси йил бошида бўлиб ўтиши керак бўлган ММА жангига тайёргарлик кўраётган эдим, аммо энди уни бошқа вақтга кўчириш керак", - деб ёзган Сукерберг.
Эслатиб ўтамиз, ёзда Metaʼнинг Twitter билан рақобатлашадиган дастурни ишга тушириш нияти ҳақидаги маълумотлар интернетда пайдо бўлгач, Twitter эгаси Илон Маск Сукербергни рингга таклиф қилганди. Сукерберг таклифни қабул қилган.
