0
Пикассонинг асари 139 миллион долларга сотилди
Бу ҳозиргача рассом ижоди учун белгиланган иккинчи энг юқори нархдир.
Италия миллий ахборот агентлиги – "АNSА" Пабло Пикассонинг дурдона асарларидан бири – “Соат таққан аёл” сурати 139,4 миллион долларга сотилганини маълум қилди.
Савдо қароргоҳи Нью-Йоркда жойлашган қадимий аукцион уйи – «Сотбис»да амалга ошган. Мутахассислар айтишича, бу ҳозиргача ушбу рассом ижоди учун белгиланган иккинчи энг юқори нархдир.
"1932 йил яратилган, Пикассога илҳом бахш этган аёл, француз рассоми – Мария-Тереза Валтер қиёфаси тасвирланган мазкур картина 1968 йилдан буён шахсий коллекцияда сақлаб келинган", – дейилади хабарда.
