Тошкентда Spark ва автобус тўқнашди
Қоидага амал қилмай ҳаракатланган Spark ҳайдовчиси ЙТҲ содир этди.
Аввалроқ, ижтимоий тармоқда йўловчи автобус ва Spark тўқнашгани ҳақида хабарлар тарқалди. Ҳолат юзасидан “Toshshahartransxizmat” АЖ муносабат билдирди.
Қайд этилишича, жорий йилнинг 17 ноябрь куни соат 14:30 ларда "18-Автобус саройи" филиали тасарруфидаги автобуснинг 31 ёшли ҳайдовчиси Олмазор тумани КХАЙ ва Батумский кўчалари кесишмасида ўз йўналиши бўйлаб бошқариб бораётган бўлган. Шу пайт чорраҳадан 2.4 йўл белгисига амал қилмай ҳаракатланиб келган Спарк ҳайдовчи Г.Н.автотранспорт воситаси автобус билан йўл-транспорт ҳодисаси содир этган.
Мазкур ЙТҲ натижасида автобус ва енгил автотранспорт воситаси техник шикастланган.
Ҳозирда ушбу йўл-транспорт ҳодисаси Ички ишлар бош бошқармаси Йўл ҳаракати хавфсизлиги ходимлари томонидан расмийлаштирилган.
