МИБ келиннинг сепини ундириб берди

 

Куёв ва келин 2023 йилнинг август ойида турмуш қурган. Аммо ўртада келишмовчилик келиб чиқиб, ҳозирда бирга яшамаслиги сабабли даъвогар  куёвдан сепларини қайтаришни талаб қилган. Аммо куёв буни рад этган.

 

Ёш келин-куёв ўртасидаги бу тортишув судгача борган: иш 2023-йилнинг 19-октябр куни ФИБ Фарғона туманлараро судида кўриб чиқилган. Суд қарори билан келиннинг сепини қайтариш белгиланган ҳамда ижро ҳужжати ижро этиш учун МИБ Фарғона шаҳар бўлимига юборилган.

 

Ижро ҳужжатига асосан ундирувчи фойдасига қарздор куёвдан жами 34 турдаги 10 млн 920 минг сўмлик мулклар, жумладан мебел, турли ошхона жиҳозлари ва идишлар қайтариб олиб берилиши кўрсатилган.

 

Олиб борилган мажбурий ижро ҳаракатлари давомида 20 ноябрь куни куёвдан 11 млн сўмга яқин келин сепи тўлиқ олиб берилган.