"Космонавтлар"да қисқа туташув бўлди
“Тошкент метрополитени” ДУК ҳолатга изоҳ берди.
Ижтимоий тармоқларда 28 ноябрь куни «Космонавтлар» бекатида ёнғин чиқди мазмунидаги хабарлар тарқалди.
Ушбу ҳолат юзасидан “Тошкент метрополитени” ДУК изоҳ берди: "Жорий йилнинг 28 ноябрь санасида «Космонавтлар» метро бекати яқинида жойлашган Тошкент электр тармоқларига тегишли электр кабелларда қисқа туташув ҳолати юзага келган ва бу ҳолат масъуллар томонидан тезкор кўрилган чора-тадбирлар натижасида бартараф этилган" .
Юзага келган ушбу ҳолат метрополитен фаолиятига таъсир қилгани йўқ. Метрополитеннинг «Космонавтлар» бекатида барча қурилмалар нормал ҳолатда ишламоқда.
