“Ёмон янгиликларга тайёр туришимиз керак”
Столтенберг Украинадаги вазият ҳақида гапирди.
Ғарб Украинага қурол етказиб беришни кўпайтирмаса, мамлакат учун ҳолат ёмонлашиши мумкин. Бу ҳақда НАТО Бош котиби Йенс Столтенберг Германиянинг АRD телеканалига берган интервьюсида айтиб ўтди.
Унинг фикрича, можаролар босқичма-босқич авж оляпти. Аммо ташкилот Украинани ҳар қандай вазиятда қўллаб-қувватлаши керак.
"Ёмон янгиликларга тайёр туришимиз керак. Киев "танқидий вазиятда", — деди у.
Столтенберг Украина қуролли кучлари бу вазиятда қандай ҳаракат қилиши кераклиги ҳақидаги саволга жавоб бермаган. Унинг сўзларига кўра, мураккаб ва тезкор қарорлар Киев томонидан қабул қилиниши керак.
