Lacetti ишлаб чиқариш тўхтатилмоқда
Бу GM компаниясининг глобал савдо сиёсати билан изоҳланди.
2024 йилдан UzAuto Motors Lacetti-Gentra русумидаги автомобиль ишлаб чиқаришни тўхтатади. Бу ҳақда компания ахборот хизмати Spot’га маълум қилган.
Компания ушбу моделнинг бутунлай конвейердан олиб ташланишини GM компаниясининг глобал савдо сиёсати билан боғлаган.
"Мазкур автомобиль учун бутловчи қисмлар ишлаб чиқарувчи корхоналарнинг ишлаб чиқариш қувватлари янги моделларга йўналтирилади", дейилади хабарда.
Lacetti ўрнини Onix, Cobalt-2 ва янги, ҳали сотуви эълон қилинмаган ҳамёнбоп бошқа бир Chevrolet модели эгаллаши мумкин.
