Суперлига жонланмоқда
Маълум бўлишича, турнир трансляциялари бепул бўлади.
Бош директор Рейхартнинг фикрича, Суперлига мухлислар ишончини қозониши кераклигини тушунади. Асосий қадамлардан бири бу футболни янада қулайроқ қиладиган ўйинларнинг бепул трансляцияси ҳисобланади.
"Биз дунёнинг энг яхши футболини таклиф қиламиз. Бепул, бутунлай бепул. Футбол бутун сайёра бўйлаб миллиардлаб мухлисларни жалб қилиш имкониятига эга ва уни асосан реклама орқали молиялаш мумкин. Биз рекламадан йилига уч миллиард евродан ортиқ даромад келтира оламиз. Бизда энг яхши футболни бепул трансляция қилиш учун платформа яратиш учун сармоя ва имкониятлар мавжуд. Ғоя шундан иборатки, футбол ҳар доим эркин бўлиши керак. Эҳтимол, бир кун келиб ақлдан озган мухлислар учун Премиум обуна ташкил қилинади. Бизнинг моделимиз узоқ муддатда барқарор, мисли кўрилмаган платформа ҳақида гапиряпмиз. Одамлар бепул фойдаланиш имкониятига эга бўладилар. Бу даражани фақат Европанинг энг яхши клублари таклиф қила олади”.
Деярли барча топ-клублар очиқчасига Суперлигага қарши чиқишди; фақат "Реал Мадрид" ва «Барселона» бу ғояга содиқ қолди. Рейхарт УЭФА қўллаб-қувватлаши хаёлий эканлигига ишонади ва клубларга ўйлаш учун вақт беради.
“Кўпчилик бизнинг лойиҳамизга қарши баёнотлар тарқатди. УЭФА клубларга босим ўтказаётганига шубҳа қилмаймиз, лекин бизга вақт беринг, келинг, Европанинг энг яхши клубларини ишонтирайлик. Кафолат қиламанки, футбол монополияга муҳтож эмас ва унга тўлиқ ўтолмайди. Кеча мен кўплаб клублар билан гаплашдим. Йўқ, биз музокаралар ўтказмадик, ҳеч нарса бўйича келишиб олишга ҳам уринмадик. Фақатгина мулоқотнинг янги даври бошланмоқда. Энди Суперлигани ташкил этувчи клублар билан учинчи томон тўсиқларисиз мулоқот қиламиз. Бугун ҳеч ким улардан: "Мен шу ердаман" дейишни талаб қилмайди.. Биз девор қурмаймиз, бўлинишни эмас, бирлашишни хоҳлаймиз.
Суперлигадан воз кечиш ҳақида баёнот эълон қилган баъзи клублар вакиллари менга қўнғироқ қилиб, тушунтириш беришди: "Омма олдида биз йўқ деймиз, лекин биз сиз биланмиз".
Кўпчилик Суперлигани кичик клубларни киритмасликни даъво қилмоқда. Аммо лойиҳа раҳбари бунга рози эмас - у нафақат очиқликни, балки даромадларни адолатли тақсимлашни ҳам ваъда қилмоқда.
“Футбол 70 йиллик қаттиқ монополияга ўрганиб қолган. Сиз чипни ўзгартиришингиз керак. Жамоалар қандай имкониятларга эга эканлигини тушунишлари керак. Европанинг асосий клублари таҳдидга учради. Таҳдидлар ҳақиқий. Ҳозирги Суперлигани эмас, ўтмишдаги Суперлигани тилга олган жамоаларнинг шарҳларини кўрдим. Бу энди очиқ мусобақа.
Суперлига «кичик» клубларнинг даромадини УЭФА берганига нисбатан уч баравар оширади. Барчаси шаффоф бўлади. Масалан, бизнинг лойиҳамиз «Жирона» учун анча яхши бўлади. Лойиҳа раҳбарияти муҳокамага очиқ. Албатта, биз февраль ойида эълон қилган ўнта тамойил таклифимизнинг асоси бўлиб қолмоқда. Баъзиларини такрорлашга арзийди. Мисол учун, иштирок этишнинг спорт даражасига асосланиши ҳақида. Доимий аъзолар бўлмайди, клублар миллий лигаларга содиқ қоладилар. Клублар билан муҳокамалар чоғида иккита катта муаммо аниқланди. Биринчиси, клублар Европа даражасида яхши натижа кўрсатиши мумкин, аммо кейинги мавсумда у ерда қатнаша олмайди. Бу ноҳақлик ва спорт тушунчасига мос келмайди.
Иккинчидан, клублар ўйинчилар, инфратузилма, аёллар жамоалари учун маблағ ажрата олмайди, чунки ҳозирги тизимда клубларнинг катта қисми Европадан келадиган даромадга таяна олмайди. Турниримиз тузилмаси ушбу муаммоларни ҳал қилишга ёрдам беради ва шу билан бирга футболчилар ва мухлисларга юқори даражадаги футбол учун имкониятлар яратади, деб ишонамиз."
Ноябрь ойида УЭФА Саудия Арабистонининг «Ал-Наср» клубини Чемпионлар лигасига қўйиб юбориш ҳақида ўйлаётгани ҳақида инсайдерлар бор эди. Директор уларнинг лойиҳаси фақат Европа бозорига қаратилганлигига ишонтирмоқда.
“Саудия Арабистони клублари Суперлигадан орқада эмас. Биз Европа ва АҚШдан келган инвесторлар билан суҳбатлашдик. Мен Америка сармоя фондининг пулига кафолат бера оламан, уларга лойиҳа очиқ. Ҳеч қайси клуб учун имтиёзлар бўлмайди ва Саудия клублари ҳам Суперлигага қўшила олмайди. Бу Европа лойиҳаси, фақат Европа лойиҳаси. Чемпионлар лигасига муқобил, яъни Ла Лига ва Суперлига мукаммал тарзда бирга яшаши мумкин. Биз футбол манфаати учун ишлаймиз, ҳамма билан, жумладан УЭФА билан ҳам гаплашамиз. Лекин улар бизни тинглашни хоҳламадилар, монополия шундай яшайди. Энди вазият ўзгарди”.
