Эронда мотам эълон қилинди
Сўнгги маълумотларга кўра, портлашлар оқибатида камида 103 киши ҳалок бўлган, 188 киши жароҳатланган.
Бугун, 4 январь куни Эронда генерал Қосим Сулаймоний дафн этилган Кирмон шаҳридаги қабристон яқинида содир бўлган икки портлашда ҳалок бўлганлар учун мотам куни деб эълон қилинди.
Кирмон вилоятининг ўзида ҳам уч кунлик мотам эълон қилинган.
Эрон Президенти Иброҳим Раисий қурбонларнинг оила аъзоларига ҳамдардлик билдирган ва барча расмийларни “жабрланганларга зудлик билан ёрдам беришга” чақирган.
“Бу қўрқоқлик ҳаракатининг айбдорлари ва етакчилари тез орада аниқланиб, жазоланади” — дея таъкидлаган Президент.
