Тошкент метросида ёнғин чиқди
Ҳолат юзасидан расмий изоҳ берилди.
Ижтимоий тармоқларда Тошкент метросининг «Космонавтлар» бекатида вагонда ёнғин юз бергани айтилган хабарлар тарқалди. Ҳолат юзасидан расмий муносабат билдирилди.
Қайд этиличича,19:30 лар атрофида «Космонавтлар» метро бекатига кириб келган 40-сонли ҳаракат таркибининг вагон электр қисмида техник носозлик ҳолати кузатилган. Шу боисдан йўловчилар ва ҳаракат хавфсизлигини таъминлаш мақсадида йўловчилар бекатга туширилган ҳамда машинист томонидан белгиланган йўриқномага асосан, тезкор чора-тадбирлар кўрилиб, носозлик бартараф этилган. Бу ҳолат йўналишдаги ҳаракат жадвалига ҳеч қандай таъсир кўрсатмаган.
“Келтирилган ноқулайликлар юзасидан йўловчилардан узр сўраймиз”, дейилади хабарда.
