Қуйи Чирчиқда онасига алимент тўламаганлар қамалди
Ака-сингил бир йилдан бери онасига таъминот пули тўлашдан бош тортиб келган.
Тошкент вилоятида онасининг таъминот пулини тўламаган ака-сингил жазога тортилди.
Маълум қилинишича, Фуқаролик ишлари бўйича Қуйи Чирчиқ туманлараро судининг 2023 йил 23 октябрдаги буйруғи билан қарздорлар D.U. ва B.U.dan онаси D.U. фойдасига алимент ундириш белгиланган. Аммо ака-сингил бу мажбуриятдан қочиб, онасининг таъминоти учун белгиланган алимент пулини тўлашдан бош тортиб келишган.
Улар меҳнатга лаёқатсиз ва моддий ёрдамга муҳтож бўлган ота-она учун алимент пулларини тўлашдан бош тортганлиги сабабли МЖтКнинг 47-5 моддасига асосан 15 сутка қамоқ жазоси тайинланган.
