ЙПХ ходимини босиб кетган ҳайдовчи қўлга олинди
Шунингдек, ходимнинг ҳозирги аҳволи ҳақида маълумот берилди.
Аввалроқ Қашқадарё вилоятининг Китоб туманида Damas ҳайдовчиси ЙПХ ходимини судраб кетгани хабар қилинганди. Ҳолат юзасидан расмий муносабат билдирилди.
Қайд этилишича, ЙПХ ходими Н.Мусинов давлат рақам белгиси бўлмаган "Damas" автомобили ҳайдовчисининг меъёрий ҳужжатларини текшириш мақсадида "тўхташ" ҳақидаги ишорани берган. Ҳайдовчи эса тўхтамасдан транспорт воситасини ходимнинг устига бошқариб юборган. Атрофда бўлган фуқаролар ёрдамида автомобиль остидан олиб чиқилган ЙПХ ходими Н.Мусинов шифохонага олиб борилган. Китоб тумани тиббиёт бирлашмаси томонидан берилган дастлабки маълумотга кўра Н.Мусиновда "боши, юзи, қўли ва оёқларида шилинган, қирилган жароҳатлар" борлиги маълум қилинган.
Ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда.
