Бугундан нималар ўзгармоқда?

 

Бугун, 1 февралдан нималар ўзгармоқда?

 

Айрим маҳсулотларга ишлаб чиқарувчининг ваколатли вакили ёки расмий дилерлари мавжуд бўлиш талаби қўйилади.

 

Бунда, ишлаб чиқарувчининг ваколатли вакили ёки расмий дилерларнинг сервис хизмати мавжуд бўлиши керак.

 

Ёлғиз кексалар ва ногиронлиги бўлганларга кафолатланган ижтимоий хизматлар ижтимоий хизмат кўрсатиш шартномаси асосида кўрсатилади.

 

Қонунчиликка кўра, давлат бюджети маблағлари ҳисобидан амалга ошириладиган ичимлик ва оқова сув йўналишидаги лойиҳалар доирасида қурилиш материаллари, ускуна ва жиҳозлар фақат маҳаллий ишлаб чиқарувчилардан харид қилинади.

 

Касаначиликда янги иш бошлаётган хотин-қизлар касб-ҳунарга ўқитилади.

 

Бунда, таълим ташкилотларида касб-ҳунарга ўқитилган ҳар бир битирувчи хотин-қиз учун сарфланган ўқитиш харажатларининг 70 фоизи, бироқ БҲМ нинг 5 баробаридан ошмаган қисми давлат томонидан қоплаб берилади.

 

Тадбиркорларнинг барқарорлик рейтинги жорий этилади. Рейтинг доирасида тадбиркорлар қуйидаги тоифаларга ажратилади:

 

—“ААА”, “АА” ва “А” тоифалар – юқори барқарорлик рейтинги;

 

—“ВВВ”, “ВВ” ва “В” тоифалар – ўрта барқарорлик рейтинги;

 

—“ССС”, “СС” ва “С” тоифалар – қониқарли барқарорлик рейтинги;

 

—“D” тоифа – қуйи барқарорлик рейтинги.