Денов тумани ҳокими мактаб ўқувчилари билан дарсда қатнашди
Ҳоким бошланғич синф ўқувчилари илмга чанқоқлиги, юқори синфларда эса аксинча эканини айтган.
"Мен бошланғич синфда ўқиётган болажонларимизнинг дарсга қизиқишини кўрдим, аммо, юқори синф ўқувчиларининг дарсга эътиборсизлиги, талабчан эмаслиги эътиборимни тортди. Бу жараёнда ўз-ўзидан савол туғилди. Нега бор йўғи бир икки йилда ўқувчиларнинг дарсларга бўлган қизиқиши йўқотилмоқда!?" — деган ҳоким.
Ҳокими Илҳом Аброров 80-умумий ўрта таълим мактабида бўлди. Мактабнинг 2-А синф ва 10-Б синфларида ўқувчилар сафида туриб дарсни тинглади.
Денов туманида ўқувчиларнинг дарсларга қизиқишини ошириш орқали билим олиши, касб-ҳунар ўрганиши учун мактабларда устахоналар, тадбиркорлар ва мутахассисларни жалб қилган ҳолда тўгараклар ташкил этиш, бунинг учун мактабдаги бўш жойлар тадбиркорларга ўқувчиларни касб-ҳунарга ўқитиш учун текин фойдаланишга берилиши режалаштирилди.
1-11 синфларда хорижий тилларни, фан тўгаракларини ўтишда ўқув муассасаларида бепул жойлар берилиши белгиланди.
