Зеленский Залужнийни ишдан бўшатди
Украина раҳбари унинг ўрнига ким тайинланганини эълон қилди.
Украина президенти Владимир Зеленский Украина Қуролли кучлари бош қўмондони Валерий Залужнийни лавозимидан озод қилди.
Қайд этилишича, унинг ўрнига шарқий фронтдаги Украина қўшинлари гуруҳи қўмондони генерал-полковник Александр Сирскийни тайинланди.
“Бугундан бошлаб Украина Қуролли Кучларига янги жамоа раҳбарлик қила бошлайди. Мен генерал-полковник Сирскийни Украина Қуролли Кучлари Бош қўмондони этиб тайинладим”, — дея эълон қилди Зеленский видеомурожаатида.
Зеленский Сирскийни “энг тажрибали украиналик қўмондон” деб атади ва у уруш бошида Киевни муваффақиятли мудофаа қилишга, кейин эса 2022 йил кузида Харков вилоятида муваффақиятли ҳужумга қўмондонлик қилганини эслади.
