“Ўзбекистон” нашриёт уйи ходими ўзини осиб қўйди
Ҳолат юзасидан Бош прокуратура Zamon.uz'га маълумот берди.
Ўзбекистон нашриёт-матбаа ижодий уюшмаси ходими ўз жонига қасд қилди. Ҳолат юзасидан Бош прокуратура матбуот котиби Ҳаёт Шамсутдинов Zamon.uz'га маълумот берди.
Қайд этилишича, 16 январь куни Ўзбекистон нашриёти-матбаа ижодий уйи хўжалик бўлимида боғбон бўлимида ишловчи Мансуров Бахтиёр Юлдашевич ишхонасининг ер тўласидаги кийиниш хонасида ўзини осиш йўли орқали жонига қасд қилган.
Дастлабки тиббий маълумотга кўра, ўлим бўйин аъзолари сиртмоқ билан сиқилишидан келиб чиққан механик асфиксиядан келиб чиқанлиги, бўйин соҳасида странгуляцион эгат мавжудлиги аниқланган.
Ҳозирда Б.Мансуровнинг ўз жонига қасд қилганлиги сабаблари ва бошқа ҳолатларни аниқлаш учун махсус билим зарурлигини инобатга олиб суд оид психиатрия экспертизаси тайинланган.
Ҳолат юзасидан Шайхонтоҳур туман прокуратураси томонидан терговга қадар текширув ҳаракатлари давом этмоқда.
